ഉത്രാടസുന്ദരി

ഉത്രാടസുന്ദരി

ഉത്രാടസുന്ദരിയവള്‍ അങ്ങകലെ
അണിഞ്ഞൊരുങ്ങി മുഖം കരങ്ങളാല്‍
മറച്ച്, മറയത്ത് നാണംകുണുങ്ങി
പുഞ്ചിരി ആത്മാവിന്നുള്ളങ്ങളിലൊളിപ്പി-
ച്ചെന്നെ നോക്കി നില്‍പ്പൂ
നിന്നെ കാണാത്തൊരോണമുണ്ടോ
സഖീ നിന്നെ പിരിഞ്ഞൊരാഘോഷമുണ്ടോ
നീയില്ലാത്തൊരുത്രാടപ്പാച്ചിലുണ്ടോ
എന്നിട്ടുമെന്തേ തിരുവോണത്തലേന്നാ-
മഴമേഘങ്ങള്‍ക്കിടയിലൂടെയെന്നെനീ
നോക്കി നിന്നു, പുഞ്ചിരിക്കാന്‍ മറന്നുപോയി
ഉത്രാടസുന്ദരിയവള്‍ പുഞ്ചിരിയുള്ളിലൊതുക്കി
കാമുകനെയൊരുനോക്ക് കണ്ട് മടങ്ങുവാന്‍
പിന്നെയും മറയത്തുവന്നെത്തി നോക്കി
നീയില്ലാത്തൊരുത്രാടപ്പാച്ചിലുണ്ടോ
നീയില്ലത്ത തിരുവോണമുണ്ടോ
നീയില്ലാത്തയെന്‍ കവിതയുണ്ടോ