വെറുതേ പ്രണയിക്കരുതോ മനുഷ്യാ!!!

നിലാവിനു സുഗന്ധമുണ്ടത്രേ!!

നിലാവ് കൂട്ടി വെറ്റില മുറുക്കാമത്രേ!!!

നിലാവിനു കുളിരാണത്രേ!!!

നിലാവിന്റെ ഗുണങ്ങള്‍

തേടിയലഞ്ഞവര്‍ക്കെല്ലാം

നിലാവ് പ്രണയാനുഭൂതിയായി

നിലാവ് മാത്രമോ ,

അതുപോലെ എന്തെല്ലാം

പ്രണയത്തിന്റെ വാഹകരാകുന്നു

മനുഷ്യാ,പ്രണയത്തെക്കുറിച്ച്

സന്ദേഹിക്കാതെ

വെറുതേ പ്രണയിക്കരുതോ

നേടിയാലും ഇല്ലെങ്കിലും

നഷ്ട്ടപ്പെട്ടാലും ഇല്ലെങ്കിലും

അവഹേളിക്കപ്പെട്ടാലും ഇല്ലെങ്കിലും

വെറുക്കപ്പെട്ടാലും ഇല്ലെങ്കിലും

വെറുതേ വെറുതേ പ്രണയിക്കരുതോ

Comments

Post a Comment

Popular posts from this blog

കവിയല്ല ഞാന്‍..

പാടുവാനായ് നീയെനിക്കു നല്‍കി പ്രണയാര്‍ദ്രമായയീ നൊമ്പരങ്ങള്‍ ശ്രുതിലയം താളബോധങ്ങളോടെ എന്നലാപാട്ടെന്റെയാത്മാവു തൊട്ടൊന്നു പാടുവാന്‍ നീ നല്‍കിയില്ല നാദം എഴുതുവാനായ് നീയെനിക്കുനല്‍കി മസ്തിഷ്കപൂരിതം ഭാവനകള്‍, ജീവിത സത്യങ്ങളേറെ നല്‍കി എന്നാലാകവിതയെന്‍ചോരയില്‍ തൊട്ടൊന്നു കോറുവാന്‍ പദമാല നല്‍കിയില്ല സ്നേഹിച്ചീടുവാനായ് നല്‍കി നീ- യൊരുഹൃദയവുമൊരുപിടി സ്വപ്നങ്ങളും പക്ഷേയളവറ്റസ്നേഹത്തെ നിന്നിലെത്തിക്കുവാ- നെന്റെ ഹൃതന്തികള്‍ മീട്ടിയില്ല വിപ്ലവമൂറുന്ന ചിന്തകളും വാചാലമാകുന്ന സ്വപ്നങ്ങളും മൌനത്തെ സാധകമാക്കിയോന് എന്തിനു നല്‍കി നീ സര്‍വ്വാധിപാ എങ്കിലുമീയാത്ര ഞാനിന്നു തുടരുന്നു അറിയാത്ത പാട്ടുകള്‍ പാടുവാനും അണയാത്ത കവിതയെ കാണുവാനും
Read more

പേനാക്കള്ളനും സാഹിത്യാസ്വാദനവും പിന്നെ ശാരികയും

പത്താംക്ലാസില്‍ പഠിക്കുമ്പൊ,അവസാന റ്റേമില്‍ പരീക്ഷയോടടുക്കുമ്പോള്‍ ഞാനൊരു പ്രശ്നത്തില്‍ പെടുകയായിരുന്നു..പ്രശ്നം മറ്റൊന്നുമല്ല,സബ് ജില്ലാ തലത്തിലെ യുവജനൊത്സവത്തില്‍ ഞാന്‍ പങ്കെടുക്കണം..എന്നെ സംബന്ധിച്ചിടത്തോളം കഴുത്തില്‍ വീണ ഒരു ഊരാക്കുടിക്കായിരുന്നു അത്..പരീക്ഷയുടെ റ്റെന്‍ഷനുമായി നടക്കുമ്പോഴാണ് മറ്റൊരു റ്റെന്‍ഷന്‍..സാഹിത്യാസ്വാദനത്തിലും സാഹിത്യ ക്വിസ്സിലും ഞാന്‍ പങ്കെടുക്കണമെന്ന് മലയാളാദ്ധ്യാപകന്‍ ലോറന്‍സ് സര്‍ നിര്‍ദ്ദേശിച്ചു..രണ്ടും എനിക്കിഷ്ടമുള്ള മേഖലയാണ്..പക്ഷേ യുവജനോത്സവത്തില്‍ പങ്കെടുക്കാന്‍ ഒരു മടി പെരുംബടവം ശ്രീധരന്റെ ‘ഒരു സങ്കീര്‍ത്തനം പോലെ‘ എന്ന കൃതി[ആ വര്‍ഷം വയലാര്‍ അവാര്‍ഡിനു അര്‍ഹമായത്]എന്നെ ഏല്‍പ്പിച്ച് സര്‍ പറഞ്ഞു രണ്ടാഴ്ചയുണ്ട് ശരിക്കും വായിച്ചിട്ട് ഒരു സഹാത്യാസ്വാദനം തയ്യാറാക്കാന്‍...ഇതിനൊരു ആസ്വാദനം തയ്യാറാക്കാമെങ്കില്‍ ഉറപ്പായും സമ്മാനം കിട്ടുമെന്നും പറഞ്ഞു..ഞാന്‍ പുസ്തകം കൊണ്ട് പോയി വായിച്ചിട്ട് ഒന്നുമേ മനസ്സിലാകുന്നുണ്ടായിരുന്നില്ല..ഫയദോര്‍ ദസ്ത്യോവിസ്കി എന്ന റഷ്യന്‍ വിശ്വസാഹിത്യകാരന്റെ ജീവിത പശ്ചാത്തലം അതില്‍ പ്രതിപാതിച്ചിരുന്നു..ഫയദോറിനെ പറ്റി ഞാന്‍ മുന്‍പും വാ...
Read more

ഒരു വിലാപം

അറിഞ്ഞില്ല ഞാന്‍ ഒന്നുമേയൊരിക്കലു- മെന്നിലെ മൂഢതയെനിക്കു നല്‍കിയ തലയറ്റചിന്താധാരയാണീ കവിതയെന്ന് അറിഞ്ഞില്ല ഞാനൊട്ടുമേയൊരിക്കലും കരളില്‍ പിടഞ്ഞയെന്‍ സ്നേഹപിറാവിന്റെ ചിറകറ്റമോഹമെന്‍ പ്രണയമെന്ന് അറിഞ്ഞില്ല ഞാനറിയാന്‍ ശ്രമിച്ചില്ലയിന്നും ശ്രീയും പിയും ജിയും മെല്ലാം പ്രണയിച്ച കാമുകിയെന്‍ രക്തം ഊറ്റിക്കുടിച്ചുവെന്ന് അറിയാതിരിക്കാനാണെനിക്കേറെയിഷ്ട- മെന്റെ മൌനം വികലമാമൊരു ദുഖമെന്ന് ഏകനായ് ഞാനാതെരുവിലലയുന്ന നിമിഷങ്ങളെല്ലാമെന്നക്ഷയപാത്രത്തില്‍ നിറഞ്ഞതൊരുപിടിയക്ഷരങ്ങളും പിന്നെ കണ്ണുനീര്‍ വീണ ദുഖ സത്യങ്ങളും അഗ്നികോരിത്തിന്നുവാന്‍ ആശിക്കുമെന്റെ ഹൃദയമഗ്നിക്കിരയാക്കിയ സര്‍വ്വാധിപാ ഇതും നീതന്ന ജന്മത്തിന്‍ ബാക്കിപത്രം പ്രണയത്തെ വിപ്ലവമാക്കി ഞാന്‍ പാടിയ പാട്ടുകള്‍ നീ ഇന്ന് കേട്ടില്ലയെങ്കിലും തരുകയെന്‍ വല്ലകി തിരികെ നീ നല്‍കുക കഴിയില്ലയെങ്കില്‍ തിരയുകയെന്നെ നീ ചുടുകാട്ടില്‍ വെന്തുചാവുമീഞാനാ പട്ടടയില്‍ നല്‍കുകയെന്റെ ചിതാഭസ്മം നീയെന്റെ സ്നേഹിതര്‍ക്ക്, പറയുകയവരോടെന്റെ കദനകഥ; കണ്ണീരുണങ്ങാത്ത ദുരന്തകഥ
Read more